مدونة إسلام فهمى

رحلتّى العمرة و نهاية علاقتي الوهمية و زواج أخي و ارتباطي بفتاة أحلامى و قصة حب ممزوجة بعشق مريح لم أشعره من قبل، و توقيعي لعقد نشر روايتين مع دار أكتب من أجل نشرهم في معرض الكتاب القادم و مسلسل في غمضه عين و الرجل العناب و أفلام The Citizen و Captain Philips و مسلسلات Arrow و The Walking Dead و The Following و حياة ممتعة مع Entourage و دموية مبالغ فيها مع Spartacus بأجزاءه  ذكريات غزيرة في الغربة و رواية تدخل الدرج لحين السماح لها بالخروج في وقتها المناسب، و رواية أخري تلهمنى بها مليكة قلبي و أميرة أيامي و سلوى لياليا .  Scriptation مشروع أثبت فشله لعدم جديتنا :( .. جزء كبير يقع علي عاتقي بالمناسبة.  وعد بالعودة للقاهرة لأنضم لملاك روحي و مصدر سعدي و هناء أيامي الآتية و رغد سابقاتها :) 

رجعنا تاني لنفس الموال .. "نعم" ولا "لا" .. احنا مش هانخلص بقي ..  علي العموم هي مسألة وقت و بعد كده الموضوع ده هايتقفل بـ"نعم" .. زي المرة اللي فاتت، بس المرة دي الوضع مختلف، أنا لسه ماقرتش الدستور و ماعتقدش اني هقراه اليومين دول، بس علي الأقل أنا من دلوقتي واخد قرار مبدئي بأني أصوت برفض الدستور ده .. و عندي أسبابي .. أولها ان النظام لسه بيغلط نفس الغلطة، النظام بيدافع عن وثيقة لسه مش بتمثله، النظام بيسقف لدستور مش هيضره لو الناس قرته بعناية و رفضته، النظام فرحان بدستور هو مش جزأ منه..  دفاع النظام عن الدستور المعدل هو كارثة أخلاقية بالنسبة لي قبل ما تبقي كارثة سياسية، فككوا يا جدعان .. الموضوع بعيد عنكوا، المسألة بعيدة عن الحكومة، و دفاعكم عن دستور وليد هيخلي الجنين ده يتحول لطفل مشوه .. و ينتهي به الحال زي غيره، في مفرمه الورق.  تاني سبب و هو بالنسبة لي أهم من السبب الأولاني، هو جمهور الـ نعم الانتقامية .. مش عشان الدستور اللي فات كان بتاع الاخوان و اتصوت عليه بنعم يبقي ده لأنه بتاع العسكر و ضد الاخوان نصوت عليه بنعم نكاية في الاخوان .. ممكن ألع

مش قادر أقاوم عدم كتابه التدوينة دي .. الأغنية ماكملتش 24 ساعة علي النت .. يمكن ماكملتش 12 ساعة أصلاً .. بس لأني كنت مستني أسمع الأغنية دي أو عشان أكون صريح كنت مستني أسمع أي أغنية جديدة لأنغام ..  الأغنية حقيقة مبهرة ، كلمات أمير طعيمة الناعمة الحالمة اللي مش عارف هو بيجيبها منين حقيقة .. أمير طعيمة مبدع حقيقي و شاعر متمكن من كلماته .. لحن أيهاب عبد الواحد هادئ و رصين وزعه موسيقياً عبقري الموسيقى الجديد، يمكن هو أفضل موزع موسيقي هايشوفه الجيل ده، الفنان حسن الشافعي .. بس كده ..  أما أنغام .. فـ .. آآآآآآآآه ه ه ه .. صوتها كفاية يخلي أي حاجة حلوة ..  أنا عايش حالة مريبة من المتعة .. تتوافق مع حالة نفسية علي المستوى الشخصي بعيشها بكل استمتاع ..  ..  ببساطه من غير رغي كتير و من غير تزويق كلام ..  شكراً ملئ الكون بفراغه و اتساعه يا أحلي من زينت حياتي بصوتها الملائكي .. أنغام :) 

لم اتعامل معه كثيراً .. بل لا أعتقد انه يتذكرني، اتحدث عن صلاح الهلالي أو كما لقب مؤخراً عم الثوار. قابلت عم صلاح لأول مرة ضمن أروقة حزب التحالف الشعبي الاشتراكي وقت أن كنت بمصر، كان شحصاً ودوداً جداً يبتسم في وجهك ابتسامه حنونة عطوفة، لم أعلم عنه أي شئ، و بالكاد عملت معه حزبياً، و بالكاد حضرنا فعاليات سوياً، لا لتقصير منه، بل لتقصير مني في أغلب الأوقات. الآن لا أدري لماذا هو حبيس قفص حديدي، لا أدري لأي سبب، و لا أريد أي تفسيرات من أي شخص. كل ما أريده هو أن يغفر لي عم صلاح انني أنا أيضاً حبيس الغربة و لا أستطيع أن أشارك في أي مجهود للوقوف بجواره، لكنني أعلم جيداً انه يعلم أني أقف معه في ذات الخندق السياسي.  و بالمناسة ، لقب عم الثوار و لقب مناسب جداً ليعرف به فيما بعد.  سامحنى يا عم صلاح :(