أنا عاوز اذن سفر .. و بس !!!

حاجة من اللي الحاجات اللي كنت عامل حسابها قبل الاجازة هي اذن السفر، الوقت اللي الموضوع بيستهلكه و المحهود الضايع في الكلام الفاضي ده، سيبكم بقي من الطوابير و القرف لأن الواحد خد علي كده في أي حاجة -ورقة- بنعملها في مصر، بس الثراحة اللي شلني و جابلي الضغط النهاردة هي اللامبالاة اللي بيتحرك بيها المجندين المسئولين عن انهاء الاجراءات دي. بيمشوا علي قشر بيض، المسألة بالنسبة ليهم هي ساعات عمل، الساعة 2 كل واحد هايقفل الشباك بتاعه و دكر اشتكي، هما بيقولوا كده !!! 
أنا مش عارف ازاي نسيت شهادة التأجيل بتاعتي في السعودية ، فلازم عشان استخرج إذن سفر لازم يبقي معايا شهادة تأجيل، و عشان أطلع الشهادة .. يوووووووووووووووووووه .. حاجة تقرف. 
مشكلتي مش مع الاجراءات و لا مع الورق الكتير اللي ملوش تلاتين لازمة، لأنك بتاخد الورقة من كجند و تديها للتاني، و الفكرة انك مش بتجيب حاجة من بيتكم، يعني البيانات اللي في الورق مش معاك أصلاً. 
المغامرة بدأت أول ما دخلت، فين بدل الفاقد يا جدعان، قالولي شباك 9 ، و بعد ما قضيت اكتر من نص ساعة بتفرج علي لكاعة الموظف و قلة همته سألني لما الدور صابني "انت مواليد كام" .. قلت "89" .. فحسيت بشماتة في نبرة صوتة و هو بيقول .. "شباك 5" .. شيت 
رحت شباك 5 .. و بعد انتظار .. قاللي "رقمك الثلاثي" .. رديت "دي صورة الشهادة كلها" بص فيها شوبة و قال .. "صورها مرتين و صور البطاقة مرتين و هات 6 جند و تعالى" .. رديت علي طول "طيب و 7 جند اللي معايا دي" .. بصلي شويه و قاللي"6 جند .. ستتتتتتة جند" .. رديت "طيب يا عم .. باللراحة" .. 
خرجت صورت الورق و وقفت في طابور الاستمارات، و هووووب .. الكهربا قطعت .. و هوووووب .. الطابور لا يتحرك.. و هووووب .. خرج مجند يراجع معانا الورق .. كتر خيره، أخيراً شفت واحد بيشغل دماغه في أم المكان، كان بيراجع ورق الناس كلها و بيتأكد انه كامل عشان الانتظار ممكن يبقي مالوش لازمة و انت واقف غلط . .. بص في ورقي و قاللي روح اختم الصورة بتاعه الشهادة من الاستعلامات او شباك واحد و تعالى.. مش عارف انا اتنرفزت ليه، مع ان المفروض اتبسط من انه وفر عليا ساعات انتظار من غير لازمة، بس فكرت، كان فيها ايه لو اول موظف قال الكلمتين دول، هايوفروا علي نفسهم برضه وجع دماغ. 
.. 
و هووووب .. الكهربا رجعت .. و هووووووب الكهربا قطعت .. و هووووب .. الرغي اشتغل .. المصريين مبدعين .. رغايين فشخ، انا دماغي وجعتني اكتر من رجلى، و هوووووب .. الكربا مش هاتيجي النهاردة.. و هووووب .. تسمع كلام بقي وسط الرغي .. "مش ده المفروض معسكر جيش  .. ليه مفيش مولد" .. هاا !! .. حاجة وسخه.. كل الناس بقت بتتكلم عن المفروض و اللي مش مفروض، و هوووووب .. الكهربا مش هاتيجي .. و هووووب .. روحت .. 

الخلاصة .. 
لو عاوز تطلع بدل فاقد لشهادة الجيش لازم يبقي معاك الآتي: 
1. صورتين من الشهادة القديمة موقع عليهم من شباك 1 "رئيس الوحدة" 
2. صورتين للبطاقة الشخصية 
3. استمارة 7 جند ..جست إن كايس 
4. الكلام اللي فوق عشان تطلع 6 جند 
5. محضر شرطة بفقد الشهادة القديمة 
6. شهادة تحركات من مصلحة الجوازات و الهجرة .. "جست إن كايس برضه" 
7. أي ورق رسمي معاك ف البيت .. شهادة ميلاد .. بطاقة ابوك لو أمكن .. أي ابن مدايقة .. العالم دي كفرة يا آبا 
.. 
8. يسقط حكم العسكر :) 

أما بقي لو عايز اذن سفر .. استنوا لما آجي بكرة .. :) 

تعليقات

إرسال تعليق

المشاركات الشائعة من هذه المدونة

أول عيد ميلاد في الغربة

لا أهتم عادة بالاحتفال بهذا اليوم، فلم يشكل فارقاً كوني من مواليد شهر يوليو لكن قدر لي أن يكتب اسمي ضمن مواليد شهر اغسطس . بل علي العكس مر هذا علي كلحظة كوميدية استخرج منها عبرة كل عام . و أظنني تحدثت عن هذا العام الماضي علي ما أذكر في تدوينة غريبة الأطوار توضح علافتي المريبة بتاريخ ميلادي.  المميز في ميلادي هذا العام .. و لا أعلم ان كان التميز هذا جيداً أم سيئاً هو أني لأول مرة أشعر بأني في حاجة لأن احتفل به ، ربما لأني حبيس بلاد الغربة، و أن أشتقت لمصر شوقاً ليس يسيراً ، و ربما لأني أيقنت عمرى الحقيقي الآن .. فأنا الآن أبدأ عامي الخامس و العشرون و لا أعتقد أني حققت أياً من الأحلام التي حلمت أن أحصل عليها و عمرى أقل مما أنا عليه بعامان، لقد كنت فيما مضي شخص ملئ بالطموح، لكنني فجأة بت شخصاً غارق في الاحباطات، إما العاطفية و إما الوظيفية .. لا أدري ان كان من الجيد أن اتحدث عن هذ أو لا .. لا يهم ..  كل ما يخطر ببالي الآن هو أن أمامي عام آخر لأقضيه ها هنا قبل أن أهبط لمصر بشكل نهائي، نعم لم اتحمل الغربة ، نعم أحلامى و طموحاتي كلها في الحرية ، أن أكون سيد نفسي .. سأعود .. بعد أن اب
قراءة المزيد

رهف: لله مصير من سلك دربك .. صرخة أنثوية مرتفعة الصدى في وجه المجتمع.

صورة
ترددت كثيراً قبل كتابة هذه السطور، لا لسبب إلا ان كلما تأخر بيانها إلا ويزداد التأمل في مطالبات الرواية الفكرية وتماسها مع قضايا جديدة وفيضها كنبع أفكار وصرخات مدوية أصابت هدفها بحفرفية مطلقة. فبعد عام من الأنتظار أطل علينا مصطفى منير بلوحة فنية بل إنها معزوفة وترية علي كمان الهادئ "بدر مصطفي" الذي نالت من نفسي لحظة انسجام مع النص لأستمع للحن عزفه بدر بإتقانه المعتاد في إحدى الحفلات الموسيقية التي حضرتها مؤخراً.  في البداية كانت التقنية السردية التي أستخدمها منير في الرواية، تقنيات السرد متعددة وتأخذنا كل طريقة نحو درب من التأمل والغرق في النص، أصر منير علي خوض التجربة مع راوي عليم غير تام العلم لأنه يروي علي لسان بطلة الرواية دون المساس بها وأستخدامها كراوي، ولم نشعر بغرابة المزج بين هذا وذاك، فقد صاغها منير بحرفية يبدو انه ظل يتدرب عليها ليتقنها تمام الاتقان في روايته الثانية.  وبالحديث عن عقدة الرواية التي من الصعب علي الجميع أن تصلهم بمرونة وسهولة ككافة الروايات المطروحة أمامنا، فغالباً الروايات التي تدور حول شخص بعينه يواجه القارئ هذا التشويش حول العقدة الحقيقي
قراءة المزيد

مكتبتي #1 : الليالي الهادئة .. ميسلون هادي

صورة
" نؤمن الشاي الفاخر الذي يزيل التوتر و يغذي الروح ، و نضع ، في كل عبوة منه ، النوعية العالية و الفن الجميل و الفلسفة الملهمة ، نأمل أن يستمتع الناس بشربه في كل مكان كما نستمتع نحن بصناعته هنا في كلورادو بأمريكا " لم أجد أفضل ما أبدأ به سوى كلمات ميسلون هادي نفسها ، و هي تنهي القصة الرئيسية في المجموعة المتميزة التي نشرتها الهيئة العامة لقصور الثقافة في مصر ضمن سلسلة كتب تهتم بإبداعات الكتاب العرب ، تنشر تحت عنوان "أفاق عربية" .. الكتاب وقع في يدي بالصدفة ، فلكم هو مثير ما تجده علي الأرصفة بحوزة بائعي الجرائد ، مع أن كتب كهذه هي الأحق بتزيين الأرفف في المكتبات الكبرى بدلاً من هراء بعض أنصاف الكتاب .. و لكنها الدنيا ، لا تمنحنا أبداً كل الأشياء الجيدة .. الليالي الهادئة هي مجموعة قصصية تدور في فلك هادئ نسبياً ، متأثرة جميعها بالغزو الأمريكي للعراق ، طبعاً جاء هذا طبيعياً لأن كاتبة المجموعة هي من الأدباء العراقيين ، و مما لا شك فيه أن الأحداث الجارية ستؤثر و لا شك في كتاباتنا ، هي لا تكتب عن الغزو كموضوع أصلي للحدث ، و لكن هناك من الدراما ما هو مخبأ بين طيات القصص ، ف
قراءة المزيد