لسه عاوز اذن سفر !!!

خلص نص المشوار .. 

التدوينة دي مش هاتبقي لتدوين ملاحظاتي قد ما هاتبقي تدوينة ارشادية بخصوص اللي فهمته النهاردة .. 

لاستخراج إذن سفر .. لازم يبقي معاك : 

1. أصل شهادة الوضع تحت الطلب. 

2. توقيع الشهادة من شباك رقم 11 

3. شراء نموذج الاذن تبعاً لتاريخ ميلادك من شباك بيع النماذج 

4. تصوير البطاقة و شهادة التجنيد و استلام اقرار سلامة الأوراق من شباك تصوير المستندات. 

5. العودة لشباك 11 و معاك الليلة دي كلها. 

6. الانتظار لحد ما الشهادة تتطبع و تتغلف . 

ملحوظة .. 

علي ما اعتقد هذا يسري فقط علي منطقة تجنيد و تعبئة الجيزة :) 

ملاحظاتي علي اليوم ملخصها : 

1. الشعب المصري فتاي فشخ 

2. كلمة "المفروض" بتتقال كتير فشخ .. المفروض يبقي في مولد .. المفروض يبقي في 2 عساكر واحد يسلم الموبايل و التاني يستلمه. .. المفروض الناس تحترم الطابور .. هار اسود !! 

3. منطقة التجنيد هو المكان الوحيد اللي الناس بتفرح فيه بعياها و بتتباهي بيه. 

4. ممكن استخراج إذن سفر مهما كانت المدة المتبقية في التأجيل مع بعض البهارات الروتينية :) 

5. مفيش مستحيل :) 

6. في بتاع تمر هندي واقف بره .. محدش يشرب منه .. مالوش طعم 

7. سر صمود المؤسسة العسكرية طول الفترة اللي فاتت هو التنظيم بس .. سلسلة القيادة اللي محدش يقدر يكسرها و لا حتى في اضيق الحدود. 

8. برضه .. يسقط حكم العسكر :)