و خلصت الاجازة !!! شيت

للأسف لم ألحظ ان الاجازة خلصت إلا النهاردة و أنا باصص في الساعة ألاقيها عدت نص الليل .. شيت .. أنا عارف ان الطيارة بكره، متأكد من ده، و كمان عارف ان النهاردة الخميس ، بس فجأة حسيت اني بعيش الايام السوده اللي قبل 19 نوفمبر، وقتها كنت باشوف الدنيا و بحاول املى عيني من كل حاجة عشان متوقع اني مش هاجي مصر إلا بعد سنتين، دلوقتي الوضع اختلف، لأن المدة بتاعت السنتين دول بقوا سنة و شهرين بس و دي حاجة كويسة جداً علي فكرة :) 

طيب التدوينة دي هدفها ايه ؟؟؟ :) 

التدوينة دي باختصار أنا بوجهها لناس بعينها... طبعاً من غير ترتيب أسامي .. 

1. محمد بليغ .. أتأخرت علي معادي معاه النهاردة و غالباً هو مشي و سابني .. و أنا استاهل :( 

2. محمد يسري .. كان المفروض أقابله تاني بعد الفرح .. بس حظي وحش .. و أنا أهملت برضه :( 

3. حسين محمد .. كان المفروض أقابله برضه .. بي أنا مهمل :( 

4. أحمد عبد الحميد .. دورت عليك علي فكرة :) 

5. محمود حوكا .. حلقلي .. ليه كده يا حوكا :( 

6. محمد أبو النور .. معلش يا صديقي .. مالاقتش فسيخ ابن ناس :( 

7. عباسية .. أنا فاشل :( 

8. بيتر حازم .. فشلت في مشوار شرم يا برنس .. سامحنى :( 

9. محمد وفاء الدين .. أخويا الغالي .. :) 

10. أمجد .. معلش ماجيتش الحفلة :( 

11. عوض .. اتلخمت و ربنا :( 

12. سونى رحالة (حسين حمدي) .. بس لو كانت الحفلة يوم 3 .. كنت حضرتها :( 

13. أحمد مجدي .. صديقي الوفي .. آسف :( 

14. حسام عماد .. سنة و جايلك .. :) 

15. أحمد فهمي .. أوعى تفتكر انك عشان اتجوزت هاتخلص مني :) 

16. الهام عيداروس و رفاق حزب التحالف .. وحشتوني بس الوقت كان ضيق .. 

17. الشيف أشرف و أصدقائي في فيرمونت .. آسف .. و الله كنت مزنوق .. يلعن ابو التجنيد علي أذونات السفر 

18. Rudra ... My Best Driver .. I'm sorry I couldn't get you what you asked for :( 

19. محمد عبد الحي .. أنت عارف انت بالنسبة لي ايه :) ... كان نفسي أشوفك :( 

20. محمود يسري .. أنت برضه عارف انت بالنسبة لي ايه :) 

21. ضحي يسري .. انتى وعدتيني .. هاتغني يعني هاتغني :) 

22. الأستاذ/ يحيي هاشم .. كان نفسي أقابلك :( 

23. أب و أمي .. و أختى .. لم أشبع عيناي منكم بعد :( 

24. هدى نجيب .. أختى الكبيرة . و أكتر واحد بتفهمني .. مفتقدك جداً .. 

و أخيراً .. 

25. سأبقيها سراً أيضاً .. يا من أعدتي قلبي للحياة .. يا من أثبت لي أن قلبي ما زال يستطيع ان ينبض .. إلي ان أتأكد مما أمر به .. موعدنا بعد عام .. و شهرين اثنين :)